ٹرکٹروں کے نام یہ چھبیس جنوری
کیا خوب دھوم دھام یہ چھبیس جنوری

ٹی وی میں اور دیکھو سرکار میں بھی ہے
چرچا میں صبح و شام یہ چھبیس جنوری

سردی میں ہیں کسان، مِرا دیش ہے مہان
شمشیرِ بے نیام یہ چھبیس جنوری

حق کی صدا لگاو مِرے دیش واسیو
ناحق پہ ہے لگام یہ چھبیس جنوری

ہے داوٴ پہ عدالت خطرے میں اس کی عزت
ہے وقف حق بنام یہ چھبیس جنوری

اے ظلم و بربریت، غلامی کے دیو ہیکل
ہے موت کا پیام یہ چھبیس جنوری

زندہ صفی ہے جب تک ملت میں شرم و غیرت
دے گی صدا ہر گام یہ چھبیس جنوری

صفی ابن مسلم فیضی بندوی
 
Top