ذیشان خان

Administrator
سنہرے اقوال

مرتب :۔ عتیق الرحمن الریاضی، کلیہ سمیہ بلکڈیہوا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مخلص کی طلب ہو تو پہلے خود خالص بنیں۔۔۔۔۔

راستہ ایک ہی تھا حضرت موسی علیہ السلام گزر گئے اور فرعون ڈوب گیا، بھروسہ راستے پر نہیں اللہ پر کریں ۔۔۔۔۔۔

کامیابی ان کے پیچھے چلنے میں نہیں جو چاند پر گئے؛ بلکہ کامیابی ان کی پیروی میں ہے جن کے اشارہ سے چاند کے دو ٹکڑے ہوئے۔۔۔۔۔۔

معیار یہ نہیں کہ آپ کو کتنے زیادہ لوگ پسند کرتے ہیں؛ بلکہ معیار تو یہ ہے کہ کس طرح کے لوگ آپ کو پسند کرتے ہیں۔۔۔۔۔۔

جگمگاتے چاند کی چاندنی رات کی سیاہی کو تو ماند کر سکتی ہے؛ مگر رات کے خوفناک سناٹوں اور ویرانیوں کو ختم نہیں کر سکتی ۔۔۔۔۔۔۔

اپنا غم ہر کسی کو مت بتائیں کیونکہ مرہم ہر گھر میں ہو نا ہو؛ نمک ہر گھر میں ضرور ہوتا ہے ۔۔۔۔۔۔

اپنے چہرے پر کوئی درد تحریر نہ کریں کیونکہ وقت کے پاس نہ دل ہے۔۔۔ نہ آنکھیں اور نہ ہی احساس!!!

دنیا میں بہت بڑی تبدیلی آ چکی ہے پہلے دو لوگ جھگڑتے تھے تو تیسرا صلح کرواتا تھا؛ مگر اب تیسرا پاس کھڑا ہو کر ویڈیو بناتا ہے اور مزے لیتا ہے۔۔۔۔۔

حرام رزق سب سے پہلے انسان کو جھوٹ بولنے کا عادی بناتا ہے پھر دھیرے دھیرے ضمیر مردہ اور دل سخت ہو جاتا ہے۔۔۔۔۔۔۔

شک کو اپنے اوپر غالب نہ آنے دیں ورنہ دنیا میں آپ کو کوئی ہمدرد نہ مل سکےگا ۔۔۔۔۔۔۔۔

اوروں کے خیالات کی لیتے ہیں تلاشی
اور اپنے گریبان میں جھانکا نہیں جاتا
دریا کے کنارے تو پہنچ جاتے ہیں پیاسے
پیاسوں کے گھروں تک کوئی دریا نہیں جاتا
 
Top